BELGRADE Date 1 September 2026, Madaxweynaha Jamhuuriyadda Federaalka Soomaaliya, Mudane Dr. Xasan Sheekh Maxamuud, ayaa kulan laba-geesood ah oo barbar socday Shir-madaxeedka 65-aad ee Dalalka Isbahaysiga siyaasadda dhaxdhaxaadka ee Non-Aligned Movement (NAM) ee magaalada Belgrade kula qaatay Madaxweynaha Jamhuuriyadda Serbia, Mudane Aleksandar Vučić.
Labada Madaxweyne ayaa diiradda saaray xoojinta xiriirka soo jireenka ah ee Soomaaliya iyo Serbia, iyo ballaarinta iskaashiga dhinacyada amniga, dhaqaalaha, maalgashiga iyo ganacsiga.
Waxay sidoo kale adkeeyeen muhiimadda ay leedahay sii xoojinta xiriirka diblomaasiyadeed iyo iskaashiga labada dal, iyagoo muujiyey rabitaanka labada dhinac ee horumarinta xiriir istiraatiiji ah oo ku saleysan danaha labada dal iyo shacabkooda
